Pa Pruden, gracies
Gracies.
Porque'l mio cantu va empobináu
al que vien de la estirpe de los cactus.
Al que nun sabe más que pidinos perdón
por miranos de frente.
A la benevolencia.
Al infiernu de vida de la metá del mundu.
Alos que yá quixeren ser humildes.
Al utre de los cumes, a la gatina mansa.
Al ególatra arroyu, que va siempre a lo suyo.
Al clima, porque ye fiel y caltién la so soberanía.
A toles rexones au llega'l sol,
a tolos poblaos que los vientos recuerren,
a toles aldees que despierten con gallos,
a los caminos toos.
A les cuatro estaciones.
Al puntu cardinal qu'entovía nun pudo reventar.
A los cinco sentíos.
El mio canto ye para quien forma parte, tanta
parte de mi
tanta carne de mi
tanto cuerpu de mi
como yo mesmu.